Þakleki Ásgarði

Voru fengnir til að laga leka við þakglugga í Ásgarði. Glugginn hafði lekið í mörg ár og var timburverkið undir járninu því orðið verulega fúið og morkið. Við byrjuðum á að rífa upp gamla járnið í kringum gluggann ásamt glugganum sjálfum og gamla pappanum. Þvínæst rifum við upp allt ónýtt timbur og komum nýju fyrir í staðin. Við pöppuðum allan flötinn að nýju og klæddum síðan með nýju járni og nýjum glugga. Einnig  setum við upp nýja og stærri flasningu á úthring þaksins til að hindra að vatn kæmist þar undir járnið. Þegar kemur að lekavandamálum göngum við alltaf skrefinu lengra frekar en styttra. Við notumst aldrei við nein ´töfraefni´ heldur kjósum við að laga vandamálið alveg. Þetta er oft kostnaðarsamara en margborgar sig á endanum.